Instituto de Apoio ao Desenvolvimento Emprezarial (IADE) hanesan institusaun ida iha Presidencia do Conselho de Ministros Secretaria de Estado de Apoio e Promocao do Sector Privado nia tutela, Knar IADE nian hanesan formasaun empresarial, apoio emprezarial, promosaun nebe iha kbiit atu promove emprezarius mikro, kiik no mediu ninia profesionalismu nebe fundamenta iha prinsipius, kualidade, sustentabilidade. Servisu Nebe IADE Halao:

Formasaun Emprezarial

Fo asistensia dezenvolvimentu negosiu ida nebe bazeia ba nesesidade no orienta ba merkadu. Tamba ne’e IADE realiza estudu ba dadus kona ba nesesidades formasaun emprezarial ba emprezarius mikro, ki'ik, no mediu atu determina kursu no nivel formasaun emprezarial nebe atu oferese. IADE suporta emprezarius atu bele hasae sira nia kapasidade no aumenta kunhesementu iha area gestaun ba negosiu nian.

IADE ho ninia rede Centro de Desenvolvimento Emprezarial (CDE) ofrese kursus hanesan programa trainamentu emprezarial, gestaun basiku negosiu ba komesa negosiu no hadia negosiu, kursu hari’i asosiasaun ka grupo negosiu,no kursu abilidade exebisaun ou feira.

Estadu Timor Leste fo sai desizaun katak sistema formasaun vokasional tenki tuir estandarte kompetisia hanesan industria ne’ebe relevante. Hodi bele realiza treinamento ne’ebe registu ona iha kualifikasaun nasional, treinamento vokasional privadu tenki hetan lisensa akreditasaun husi Instituto Nacional de Desenvolvimento da Mão-de-Obra (INDMO). IADE mos hanesan centro treinamento vokacional ne’ebe hetan akreditasaun husi INDMO atu bele fo treinamentu ba gestaun basiku negosiu ‘Hadia Ita Nia Negosiu’ (HIN).

Ho lisensa akreditasaun ne’e hatudu katak IADE iha facilidade ba ekipamento treinamento, material treinamento ho treinador ne’ebe kualidade, i bele fo garantia ba partisipante formasaun atu bele hetan skill (matenek) tuir kompetensia nebe determina husi INDMO. Akreditasaun ida ne’e hatudo katak komitmentu IADE atu bele hadia no hasae kualidade nebe realize ona ba programa – programa formasaun ne’ebe IADE iha.

Divulgasaun informasaun no promosaun emprezarial

1. IADE informa ba emprezarius kona ba opotunidade negosiu i investimento nebe eziste iha rai laran. Ho sistema informasaun konkursu publiku (tender) IADE informa emprezarius sira kona ba tenderizasaun no oportunidade negosiu sira seluk. Sistema informasaun ba konkursu publiku nian mak hanesan haruka SMS no email ba emprezarius sira tuir tender nia setor atu bele hatama dokumentus hodi partisipa iha konkursu.
2. IADE ofrese servisu halo ligasaun entre faan nain no sosa nain (business match-making) IADE iha database emprezarius nian ne’ebe hanaran “Enterprise Directory” ne’ebe iha informasaun konaba sosa nain sira ka faan nain sira iha Timor-Leste atu bele uza ba hodi facilita ligasaun no negosiasaun entre faan nain no sosa nain sira.
3. Realiza kompetisaun halo plano negosiu ba emprezarius ne’ebe existi no kadidatus emprezariu sira
4. Realiza feira ba promove produto local. Hodi nune’e Produtus lokais sira ne’e bele hetan fatin iha merkadu nasional. Funsaun konaba promosaun produtus lokais hodi buka hatene konaba produtus artezanais nebe produs husi emprezarius mikro no kiik iha rai-laran hodi liga ba kompradores.
5. Divulga lei ne’ebe iha relasaun ho vida negosio
6. Fo sai informasaun ne’ebe importante ba emprezarius sira hanesan asesu ba keditu, registu no lisensa negosiu, taxa.

Akompanhamento no akoncelhamento

Programa ne’e ajuda emprezariu sira liu husi dalan fo asistencia akompanhamentu no akonselhamentu atu atende emprezarius nebe hasoru difikuldade ou problema iha area negosiu. No sei hare liu ba emprezarius nacional, liu-liu emprezarius no klientes nebe partisipa ona iha kursu formasaun emprezarial ne’ebe oferese husi CDEs iha distritus hanesan:

1. Ajuda identifika, pratika simples halo idea negosiu.
2. Apoio prosesu kria empresa liu husi halo plano negosiu.
3. Desenvolve programas no asoens kona ba asistencia teknika iha aspeitu emprezarial.
4. Apoio partisipasaun ba konkursu publiku.
5. Ajuda preparasaun dokumentus asesu ba kreditu.